Test

Test

திசெம்பர் 16, 2007 at 4:36 பிப பின்னூட்டமொன்றை இடுக

அறிவுஜீவிகளின் அரைகுறை உளறல்கள்

இது விகடன் பகுதியில் சமீபத்தில் வந்த கேள்வி பதில் பகுதி:

‘அபோகலிப்டோ’ படத்-தைப் போலவே, நம் நாட்-டி-லும் மக்கள் நிஜமாகவே வாழ்ந்திருப்பார்களா? அந்தப் படம் எந்த அள-வுக்கு உண்மை?

எல்லா நாடுகளுக்கும் பண்டைய வரலாறு உண்டு! ‘அபோகலிப்டோ’ படம் ஒரு விஷமத்தனமான, அதீத-மான கற்பனை. கடைசி காட்சியில், ஏதோ காட்டுமிராண்டி மக்களுக்கு ‘நாகரிகம்’ கற்றுக்கொடுப்பதற்காக ஸ்பானிஷ் படையும் பாதிரிமார்களும் கரையிறங்குவது போல மெல்கிப்ஸன் காட்டியது மகா ரீல். உள்ளே புகுந்த ஸ்பானிஷ் வீரர்கள், அந்தப் பழங்குடி மக்களை வேட்டையாடிக் கொடூரமாகக் கொன்று, ஒரு பழைமையான கலா-சாரத்தையே அழித்தார்கள் என்பது-தான் உண்மை!

இதில் மதன் இந்த படத்தை முழுமையாக பார்க்கவில்லை என்பது வெட்ட வெளிச்சமாகிறது. மெல் கிப்சன் “பேஷன் ஆஃப் த க்ரைஸ்ட்(Passion of the Christ)” படம் எடுத்ததால் அவரை ஏதோ கிறித்துவ மதபோதகர் ரேஞ்சுக்கு தாக்குகிறார். உண்மையில் இந்த படம் ஸ்பானியர்டுகளும் அதே போல பழங்குடியினரை வேட்டையாடினார்கள் என்ற பொருளில் தான் வருகிறது.

மதன் எந்த அடிப்படையில் வரலாற்று கேள்விகளுக்கு பதில் அளிக்கிறார்? அவர் என்ன வரலாற்று எக்ஸ்பர்ட்டா, ரிசர்ச் செய்திருக்கிறாரா அல்லது ஃப்ரொபசரா? ஏதும் இல்லை, இவர் ஒரு கார்டூனிஸ்ட். கூகிளில் தேடி யாரால் வேண்டுமானாலும் இப்படி பதில் அளிக்க முடியும். ஏதோ தானே ரிசர்ச் செய்தமாதிரி தகவல்கள் வெளி இடுகிறார்கள். முன்பு அப்படித்தான், தமிழர்களுக்கு என்று தனி வரலாறு கிடையாது என்று உளறினார். வரலாற்று கேள்விகளுக்கு வரலாற்று எக்ஸ்பர்ட்டுகள் தானே பதில் அளிக்க முடியும்?

அதே போல தான் ஞானி என்ற எழுத்தாளர் ஒரு செக்ஸ் கல்வி தொடர் எழுதுகிறார், பெயர் “அறிந்தும் அறியாமலும்” ஆனால் ஞானி, டாக்டர் நாராயணமூர்த்தி மாதிரி செக்ஸாலஜிஸ்டும் இல்லை, மன நிலை மருத்துவரும் இல்லை. குறைந்தபட்சம் மருத்துவபடிப்பு கூட படிக்கவில்லை. ஏதோ புத்தகங்களை படித்து அழகாக தமிழில் மொழி பெயர்க்கிறார் – அப்படி செய்வது தவறில்லை தான். ஆனால் அவர் கட்டுரைகளுக்கு ரெபரென்ஸ், க்ரெடிட் எதையும் ஒரிஜினல் எழுத்தாளர்களுக்கு இவர் கொடுப்பதில்லை. இப்படி செய்வது, யூ எஸ்-சில் எல்லாம் ப்ளேஜரிசம்(Plagiarism). அதாவது பிறருடைய ஐடியாவை அவர்களுக்கு க்ரெடிட் கொடுக்காமல் தன் ஐடியா போல வெளியிடுவது. இப்படி செய்தது நிரூபணமானால் யூனிவர்சிட்டியை விட்டே டிஸ்மிஸ் செய்து விடுவார்கள், அவ்வளவு பெரிய தவறு. ஆனால் நம் தமிழ்நாட்டில் இவர்களை போல அறிவு ஜீவிகள் சாதாரணமாக செய்கிறார்கள்.

விகடன் இப்படிப்பட்ட அரைகுறை அறிவு ஜீவிகளை வளர்த்து விடுவது ஏன்?

-தோழி

நவம்பர் 27, 2007 at 4:21 முப பின்னூட்டமொன்றை இடுக

ஜீவஜோதியா கொக்கா…

ஜீவஜோதி வீட்டில் சூறையாடிய வழக்கில் சாட்சிகள் பல்டி அடித்ததால் சரவண பவன் ஓட்டல் அதிபர் ராஜகோபால் நேற்று விடுதலை செய்யப்பட்டார்.

சென்னை வேளச்சேரியில் ஜீவஜோதி, தனது முதல் கணவர் சாந்தகுமாருடன் வசித்து வந்தார். “ஓட்டல் அதிபர் ராஜகோபால் அடி ஆட்களுடன் தனது வீட்டிற்கு வந்து பொருட்களை சூறையாடி சென்றார் தனது கணவரையும் கொலைசெய்தார் ‘ என்று வேளச்சேரி போலீஸ் ஸ்டேஷனில் ஜீவஜோதி புகார் கொடுத்தார். ராஜகோபால் உள்பட 12 பேர் மீது போலீசார் வழக்கு பதிவு செய்தனர். இறுதி வழக்கு விசாரணையில் சாட்சிகள் பல்டி அடித்தத்தார்கள்.. ஜீவஜோதி உட்பட.. இராஜகோபால் இன்று ராஜாமாதிரி வெளிவந்தார்..

ஜீவஜோதி பணத்திற்கு ஆட்பட்டுவிட்டாரா..? போராடியது போதும் என்று சோர்ந்துவிட்டாரா அல்லது மிரட்டலுக்கு பயந்துவிட்டாரா என்பது தெரியவில்லை. நீதி செத்துவிட்டது என்பது மட்டும் கண்கூடு.. mad.gif மதுரையை எரித்தாளாம் கண்ணகி. அது எல்லாம் வேண்டாம் தாயீ. அட்லீஸ்ட் ஒன்றாக வாழ்ந்தவனின் உயிர் போனதுக்கு அறிந்தோ அறியாமலோ நீதான் காரணம். அந்த உணர்ச்சிகூட இல்லாம போச்சு உனக்கு.. நல்லா இரு.. mad.gif

ஒக்ரோபர் 20, 2007 at 3:30 பிப பின்னூட்டமொன்றை இடுக

Mac, PC க்குமான வித்தியாசம்..:D

A PC comes stuffed with software you’d never want to use. 

A  Mac comes with the stuff you want. 😛

ஒக்ரோபர் 20, 2007 at 2:54 பிப 1 மறுமொழி

‘ஓ’ பக்கத்திற்கு ஆப்பு வைக்கப்பட்டது

this is to inform you that my oh pages column in vikatan has been stopped. i have been writing this column for the last two and a half years. i thank all my reader-friends who have been expressing their support to my column and views but for which i could not have carried on so long. thank you.

gnani This message was sent to you by gnani sankaran.

ஓ பக்கங்கள் நிறுத்தப்பட்டதாக அவரின் ஆர்குட் முகவரியில் இருந்து எனக்கொரு மெயில் வந்திருக்கிறது.  அவரின் அழுக்கு சிந்தனைக்கு கிடைத்த அடியாக இதை கொள்வோம்.

ஒக்ரோபர் 19, 2007 at 4:11 முப 2 பின்னூட்டங்கள்

வாங்கோ வாங்கோ..

வாங்க வாங்க.. இது என் புது வூடு. எப்படி இருக்கு..? சுமாரா அசின் மாதிரி இருக்கா..? தங்கமாபோச்சு..

எல்லாருக்கும் நன்றி சொல்ல வாய் வருது.. ஆனா என்னமோ தடுக்குதோ.. ஓ.. நீங்க இன்னும் மொய் வைக்கல இல்ல.. அதான்.. மரியாதையா மொய் வைச்சிட்டு என்கிட்ட ஆசிர்வாதம் வாங்கிக்கோங்க..

எப்படி இருக்கு நம்ம் ஊடு..

ஒக்ரோபர் 14, 2007 at 4:16 பிப 2 பின்னூட்டங்கள்

இருவர்

இடம் :சேலம் மாவட்டம், தாராப்புரம்..

ஆண்டு :1987 லிருந்து 1989
————————————-
” பவளம்… அருண் வந்துட்டானா..? ”

“வந்துட்டாங்க.. வெளில விளையாடிட்டு இருக்கான்..”

“ஏண்டி உனக்கு கொஞ்சமாச்சும் அறிவிருக்கா..? சாயந்திரம் வந்த உடனே ஹோம் ஒர்க் எல்லாம் முடிக்க வைக்கனும்னு எத்தனை முறை சொல்லி இருக்கிறேன்..உன் காதுல எதை வைச்சிட்டு இருக்க.. எருமை மாதிரி நிக்கதான் லாயக்கு.. நாள் முழுக்க டிவி பாரு..சனியன் பிடிச்சவளே..போய் அந்த நாயை கூட்டிட்டு வாடி…”

“இப்பதான் வந்தாங்க.. கொஞ்ச நேரம் கிரிக்கெட் விளையாட்றேன்மான்னு கெஞ்சினான். ………………..”

“ஏய்..இங்கே வாடா.. அறிவிருக்காடா உனக்கு..? இனிமே விளையாட போனே..கால ஒடச்சிடுவேன். +2 படிக்கிற.. மனசுல பயமிருக்கா..? கிருஷ்ணன் வாத்தியார் பொண்ணு மூத்திரத்த குடிச்சா கூட உனக்கு அறிவு வராது.. என்னை சொல்லனும்.. உன்னை எல்லாம் டாக்டராக்க நினைச்சேன் பாரு.. செருப்பாலயே என் புத்திய அடிக்கனும்.. ..நல்லா கேட்டுக்க.. இதான் உனக்கு கடைசி வார்னிங்.. இனிமே எவனாவது தெரு பசங்ககூட விளையாட்றத பாத்தேன். அவ்வளவுதான்..இதான் கடைசி..”

————————————-
“ஏங்க.. ராஜேஷ் என்னங்க கணக்குல ரொம்ப வீக்கா இருக்கான்..”

“யாரை கணக்கு பண்ணான்..அவன் சின்ன பையண்டி..”

“சும்மா வாய கழுவுங்க.. நான் சொன்னது மேத்ஸ்..”

” தெரியும்டி மஹாலஷ்மி. நானும் அவனோடா க்ளாஸ் டீச்சரை பாத்து பேசினேன்..அவரும் சொன்னார்..மேத்ஸ் மட்டுமல்ல.. எவ்வளவு ட்ரை பண்ணினாலும் சுமாராதான் படிக்கிறான் என்று சொன்ன்னார்..அவனை அடிச்சு படிக்க வைச்சாலும் புரயோசனமில்லன்னு சொல்றார்..”

“அடிச்சி படிக்க எல்லாம் வேண்டாங்க.. அவனுக்கு இயல்பா படம் வரையறது.. அனிமேசன் பண்றது மாதிரி் ஆர்வமா இருக்கான்னு தோணுது.. அதுலயே அவனை வளர்த்துவிட்டா நல்லா இருக்கும்..சரியாவும் இருக்கும்.. ”

“ஆமாம் லஷ்மி. உனக்கு கூட சிலசமயம் மூளை அழகா வேலை செய்யுது..”

“ஆனால் எல்லா நேரமும் புத்திசாலிதனமா வேலை செய்யறதில்லைங்க.. அப்படி இருந்திருந்தா உங்களை போய் லவ் பண்ணி தொலச்சிருப்பேனா..?”

“ஆமா லஷ்மி. அப்பாவியான நானும் தப்பிச்சு இருப்பேன்.. பேய்கூட எல்லாம் வாழ்க்கை நடத்திட்டு இருக்கேன் பாத்தியா.. என்னை பாத்தா உனக்கே கூட அழுகை வரும்.. இப்ப கூட ஒண்ணும் குறைஞ்சு போய்டல.. கம்முனு டைவர்ஸ் பண்ணிடலாமா..”

“போடாங் …”

————————————-
“என்ன விசயம்.. ஏன் சுவத்தை நோண்டிட்டு இருக்க..?”

“உங்கிட்ட பேசவே வரவர பயமா இருக்கு.. நான் கேட்டா கோச்சுப்பீங்களா..”

“சனியனே..என்ன வேனும் சொல்லு. உன்கிட்ட மல்லுக்கட்றதை விட நாலுவீட்டுக்கு எருமை மேய்க்க போகலாம்.”

“நம்ம பையன பாத்தா பாவமா இருக்கு.. அவன் க்ளாஸ்ல எல்லாம் டூர் போறாங்களாம்.. ரெண்டுநாள் டூராம்…!”

“அவன் சொன்னானா.. இல்ல நீ அவனுக்காக கேட்கிறியா..? எங்கே அவன்..? கூப்பிடு..”

“என்னடா மன்சுல நினைச்சுட்டு இருக்க..? காலாண்டு பரிட்சைல என்ன மார்க்கு….980 மார்க் எடுத்திருக்க.. சோறுதானே தின்ற..? இப்ப சாருக்கு அவசியம் டூர் போகனுமா..? இந்த ஊர் சுத்துற மயிரு எல்லாம் ஒண்ணும் வேணாம்.. மூடிகிட்டு படி…டூராம் டூரு”

“இல்லப்பா.நான் கேட்லப்பா. ஸ்கூல்ல எல்லாம் போறாங்கன்னு எங்க டீச்சர் உங்ககிட்ட கேட்க சொன்னாங்க..”

“அவனுக்கென்ன மாசமான சம்பளம் வந்துடும். இதுமாதிரி வாத்தியாரை எல்லாம் நடுவீதீல வைச்சி கொளுத்தனும்…பரதேசிங்க. தானும் கெட்டு பசங்களையும் கெட்டு குட்டிசுவராக்கிட்றானுங்க.. ”

“……………………….”

“ஏய் நில்லு..இனிமே இதுமாதிரி ஊர்சுத்த ஏதும் நினைச்சா மகன்னு கூட பாக்காம கொன்னேபுடுவேன்…ஒழுங்கு மரியாதையா படி…”

————————————-
“லஷ்மி… ராஜேஷும் நானும் பக்கத்தது ஊரு திருவிழாவுக்கு போய்ட்டு வரோம். நீயும் வரியா. பைக்ல பின்னால இடம் இருக்கு..”

“வேண்டாங்க.. நான் எதுக்கு.. நீங்க ரெண்டு பேரும் போய்ட்டு வாங்க.. ஆனால் சீக்கிரம் வந்துடனும்..”

“வரமுடியாதுடி.. அப்படியே உன் சக்களத்தி வீட்டுக்கு போய் சாப்பிட்டுட்டு ரெண்டுநாள் இருந்துட்டு வரோம்..”

“ஓ..அப்படியா.. அப்படின்னா நானும்..”

“அடியே வாய மூடு.. மானம்கெட்டவளே.. பக்கதுல பையன் இருக்கான்னு கொஞ்சமாச்சும் நினைப்பிருக்கா..”

“இந்த பயம் இருக்கட்டும்.. நீயும் பேசினா நானும் பேசுவேன்..”

“அது தெரியுமே.. உனக்கு மட்டும் வாயில்லன்னா நாய் தூக்கிட்டு போய் இருக்கும்.. சரி சரி..கிளம்பட்டுமா ல்ட்சுமி..?”

“சரிங்கடா.. ரெண்டுபேரும் பாத்து போய்ட்டு வாங்க..”

“அப்பா.. அம்மாவை உன்னையும் டா போட்டு கூப்பிட்றா..”

“ஏண்டா இப்படி பச்சையா சொல்லி மானத்தை வாங்கிற..மெதுவா பேசு..சிரிக்காதடி ”

“கிளம்பலாம் ரைட்…”

————————————-
“என்னடா மார்க் எடுத்திருக்கே.. 1098. இதை வச்சி நாக்குதான் வழிக்கனும்..”

“அப்பா.. எனக்கு டாக்டர் படிக்க பிடிக்கலப்பா.. நான் என்ஞினீரிங் படிக்கிறேன்பா.. எனக்கு ஜூவாலஜியே பிடிக்கலப்பா..”

“செருப்பால அடிப்பேன்.இதுக்கா உன்னை இவ்வளவு செலவு செஞ்சு படிக்க வைச்சேன்.. நீ டாக்டர்தான் ஆகணும்.. ஒருவருசம் லேட்டானாலும் இம்ப்ரூவ்மெண்ட் எழுதி நீ டாக்டரா ஆகணும்…”

————————————-
“அப்பா.. நான் 750 மார்க்தான் எடுத்திருக்கேன். என்னால் பி ஈ எல்லாம் படிக்க முடியாதுப்பா. ஏதாவது மல்டிமீடியா கோர்ஸ் படிக்கிறேன்பா..”

“இதோ பார் ராஜேஷ். நான் உன்னை எந்த மாதிரியும் வற்புறுத்தமாட்டேன். ஆனால் நீ என் மகன். ஏதாவது சாதிக்கனும்.. நீ எடுக்கிற எந்த துறயா இருந்தாலும் நீ ஒருத்தன் இருக்கேன்னு நீரூப்பிக்கனும்.. சரியா..?”

“ஆமாம் ராஜேஷ்.. உனக்கு என்ன பிடிக்குதோ அதை நல்லா செய்.. உறுதியா செய்.. நாங்க உனக்கு உறுதுணையா இருப்போம்..ஓகேவா..? ”

————————————

சென்னை, 5.10.2007 அன்று காலை 9 மணியளவில்..
——————————–
சென்னை வடப்பழநி முக்கிய சாலையில் ஒரு டாக்டர் பெய்ண்ட் மங்கிப்போன தன் ஹீரோ ஹோண்டாவில் வேகமாக பறந்துக்கொண்டிருக்கிறார்.. அவர் மனதில் “அய்யோ இப்பவே நேரமாச்சே.. இன்னிக்கும் பெரிய டாக்டரிகிட்ட மாட்டிக்கிட்டேன்..” என்று தன் விதியை நொந்தவாறு வேகமாக வண்டியின் ஆக்ஸிலேட்டரை முறுக்குகிறார். படபடக்கும் வண்டியின் சத்தம்போல அவர் மனமும்….

அந்த முகம் எங்கோயோ பார்த்த முகம்.. அந்த முகத்துக்கு சொந்தக்காரர்………
——————————-

அதே சென்னை வடப்பழநி சாலையில் புத்தம் புதிதான ஸ்கோடாவின் உள்ளே ஐ மாக்கில் தன் விளம்பர படங்களை அனிமேசனில் எப்படி செதுக்கலாம் என்று சிந்தித்தவாறு ஒருவர்.. திரும்பி பார்க்கும டிரைவரிடம் சிநேகமான ஒருபுன்னகை பூத்தபடி மீண்டும் தன வேலையை தொடர்கிறார்..

அந்த முகம் எங்கோயோ பார்த்த முகம்.. அந்த முகத்துக்கு சொந்தக்காரர்………
————————————-

ஒக்ரோபர் 9, 2007 at 6:11 முப 3 பின்னூட்டங்கள்

கொலைவெறி பதிவர்களும் குண்டலகேசியும்

நேற்றைய சந்திப்பு என்பது 100 % சதம் தட்டையான மொக்கை சந்திப்பு என்றால் மிகையல்ல…. அதைப்பற்றி ஒரு சுமாரான நடையுடன் தொகுத்தளிக்கும் ஒரு முயற்சி.

——————————

நான்கு மணிக்கு மிகசரீயாக அலாரம் வைச்ச மாதிரி தொடங்கும் சந்திப்பு என்று பாலாவும் லக்கியும் தோள்தட்டினாலும் தொடங்கியது என்னவோ 5 மணிவாக்கில்தான்.. இதிலென்ன கொடுமைன்னா சொன்ன அவங்களே லேட்டாம்.. நான் போன் செய்து வழி கேட்கும் இருவரும் சிக்னல் என்று சொல்லி என்னை சீண்டவில்லை என்பது குறிப்பிடதக்கது.
——————————
என் இடப்பக்கம் ஆழியூரான்.. வலப்பக்கம் இளவஞ்சி இருந்தார்கள். ஆழியூரானை பற்றி எனக்கு ஓரளவு பதிவுகள் மூலமாக தெரியும். அதனால் பிரச்சனையில்லை. இளவஞ்சி கவிஜர்.. நமக்கும் கவிஜைக்கும் காத தூரம்.. அடக்கி வாசிக்க அங்கேயே முடிவு செய்தேன்…
——————————
முதலில் அறிமுகப்படலம் என்று சொல்லி ஒரு அலப்பறையை ஆரம்பித்தார் லக்கி. தான் லக்கிலுக் என்று தன்னை அறிமுகப்படுத்திக்கொண்டார். எல்லோரும் தங்களைப்பற்றி அறிமுகப்படுத்திக்கொண்ட பின் என்ன பேசுவது என்று குழம்பிதான் போனார்கள்.. சிலர் ஞாநி என்று வாயை ஓப்பன் பண்ண.. அப்படி இப்படி தடம்புரண்டு தடக்கென்று எங்கோ போய் நின்றுக்கொண்டது பேச்சு.லிவிங் ஸ்மைல் அவர் இப்போது வேலையில் இருக்கும் சுயம் பள்ளி, அதன் கொள்கைகளை சொன்னார்.
——————————
வந்திந்த கொலைவெறியர்கள் : ஆழியூரான், போட்டோ பாலா, பாலா, தல பாலபாரதி, முரளிகண்ணன், லக்கிலுக், தொண்டன், சுந்தர், லிவிங் ஸ்மைல், ஊற்று, இளவஞ்சி, நந்தா,தமிழ்குரல், பைத்தியக்காரன்,சுகுணா.சிவஞானம் ஐயா அவர்கள்,தமிழினியன்.. மொத்தம் 16 பதிவர்கள். இதில் நான் வேஸ்ட். ஒருவார்த்தையும் பேசாமல் பேசுவர்களின் வாயை கவனித்து இருந்தேன்..
——————————
மொத்த பேச்சுக்கும் முக்கிய இடையூறாக இருந்தது சுண்டல் பையன்கள்.. ஐந்து நிமிடத்திற்கு ஒரு பையன் வந்து இம்சைபடுத்தினான். ‘ஐயா சுண்டல்..’ என்று இளவஞ்சியிடம் கேட்டால் ‘அரை மணிநேரம் கழிச்சு வாப்பா..’ இன்னொரு பையனிடம் ஆழியும் இதே டயலாக்கை விட.. அப்படியே நாலைஞ்சு பேரு அடிக்கடி வந்து இம்சையித்து கொன்றார்கள்..
——————————
சரி முதலில் சுக்குகாப்பி சாப்பிட ஒப்பந்தம் கையெழுத்தானது. அந்த சுக்குகாப்பி விற்கும் பையன் அவன் காப்பி டப்பாவின் மூடியில் பட்டம் கட்டிவைத்துக்கொண்டு அப்படியே அதாவது பட்டம் விடுதலும், வியாபாரமும் ஒரே நேரத்தில்.. இதைக்கண்ட பலர் இதுதான் சான்ஸ் என்று கவிதைகளை பொழிந்து கூட்டத்தை கலைக்க ஏற்பாடு செய்தார்கள். கொலைவெறி பதிவர்கள் என்பதற்கு சரியான அர்த்தம் அங்கே விளங்கியது. ஆனால் கடைசியில் பையன் ‘அது நான் விளையாட்றதுக்கு இல்லண்ணே… சேல்ஸ்க்கு.. வேணுமான்னே..’ என்று ‘ங்கொய்யால’ பாலாவிடம் கேட்டு ஆட்டைய போட.. கவிஞர்கள் தரையை பிறாண்டி்க்கொண்டுருந்தார்கள்.
——————————
குண்டலகேசி என்ற பெயரை குண்டலமும் கேசமுமாக பிரிந்து பேன் பார்த்தார்கள் கொலைவெறியர்கள். கேத்ரின் பழநியம்மா, சில்வியா குண்டலகேசி.. அந்த பெயரை சுகுணாதிவாகரிடமும் ஆழி உருவ.. அதை லக்கி உருவ.. பார்க்கலாம்.. நானும் உருவினாலும் உருவுவேன்.
——————————
லக்கியின் பெருந்தன்மையை பாராட்டதான் வேண்டும். ஒருவருமே இலைக்காரனைப்பற்றி நினைக்காத வேளையில் அவரே வலுக்கட்டாயமாக வந்து ‘இலைக்காரன் நானில்லை…நானில்லை..’ என்று சொந்த செலவில் சூன்யம் வைத்துக்கொண்டார். இலைக்காரன் இந்த வலைக்காரனே என்று சில பட்சிகள் கூறுகின்றன.
——————————
இந்த ‘ங்கொய்யால..’ எவன்யா கண்டுபிடிச்சது..? தல பாலா அவர்கள் இரண்டு வார்த்தைக்கு ஒருமுறை ‘ங்கொய்யால..’ என்று எப்ப்படியோ சொருகிதான் ஆரம்பிக்கிறார்.. அது இயல்பாக வருகிறதா அல்லது தேடி தேடி சொருகி பேசுகிறாரா என்பதை அறிந்தவர்கள் விளக்கவும்.. க்கொய்யாலா.. எனக்கும் தொத்திடும் போல இருக்கு..:(
——————————
இந்த நிலையில் சில பதிவர்கள் ஐந்து நிமிடத்திற்கு ஒருமுறை காணாமல் போனார்கள்.. எல்லாம் சிகரெட்தான்.. இந்த கூட்டம் அங்கங்கே ஒரு சின்ன சின்ன மீட்டிங் போட்டார்கள்.
——————————
சுந்தர்ரும்,சுகுணா திவாகர் கொஞ்சம் லேட்டாகதான் வந்தார்கள். அதன் பின்பு சிறு சிறு குழுவாய் பிரிந்தார்கள் கொலைவெறியர்கள். வழக்கம்போல தம்மும் தப்பட்டையுமாக இருந்தார்கள். நான் மட்டும் தனியே.. தன்னதனியே.. காத்து காத்து இருந்தேன்..
——————————
ஏழரை மணிவாக்கில் என்னிடம் வந்த தல பாலா ‘ கண்ணா நீ கிளம்பு.. சீக்கிரம் கிளம்பு..’ என்று சீன் போட்டார்.. நானும் ஏமாந்து ‘பாசக்கார மனுசனா இருக்காரே..’ என்று கண்ணில் நீர் தெறிக்க வெறித்து பார்த்தபடி இருந்தேன்.. அப்புறம்தான் தெரிந்தது அண்ணன் தாகசாந்திக்கு சங்கத்தை கிளப்பிய விசயம்.. ‘எலே லக்கி.. நேரமாச்சுடா.. கெளம்பு..’ என்று சலம்புவதும் ‘ங்கொய்யால.. இன்னும் நீ கிளம்பிலயா..’ என்று பிட்டு பிட்டாக போட்டுக்கொண்டு இருந்தார்..

போக மனசில்லா விட்டாலும் பாலாவின் தீரா சொறிதலுக்கு பின்பு எல்லாம் சொல்லாமல் கொள்ளாமல் எஸ் ஆனார்கள். இந்த பாவத்திற்கு காரணமான தல பாலாவை இங்கு அனைவரும் கண்டிக்க கடமைப்பட்டுள்ளோம் என்பதை அனைவருக்கும் நினைவுபடுத்தி விடைப்பெற்றுக்கொள்கிறேன். நன்றி வணக்கம்.

ஒக்ரோபர் 8, 2007 at 6:28 முப 13 பின்னூட்டங்கள்

Flock என்ற அற்புதமான உலாவி..

சமீபக்காலமாக நான் ப்லாக் என்ற உலாவியை உபயோகித்து வருகிறேன். இது 99 சதம் பயர்பாக்ஸை உல்டா செய்திருந்தாலும் பல புதிய விசயங்களும் சேர்த்திருக்கிறார்கள். அந்த வகையில் எனக்கு வெகுவாக பிடித்தும் இருக்கிறது.

உதாரணமாக நீங்கள் ஜிமெயில் ஒரு போட்டோவை சேர்க்க நினைத்தால் வழக்கமாக நாம் அட்டாச்செண்ட் என்னும் வழியில்தானே செய்ய இயலும். ஆனால் ப்ளாக் வெறும் ட்ராக் அண்ட் ட்ராப் மூலமாகவே இழுத்து வந்து சப்ஜெக்ட் காலமில் விட்டுவிடலாம். மேலும் ப்லாக் ப்ளிக்கர், போட்டோ பக்க்கெட் போன்ற தளங்களிலிருந்து எளிதாக படங்களை இணைக்குமாறும் வசதிகளை ஏற்படுத்தி கொடுக்க்கிறது. அது மட்டுமல்ல. நமது வலைப்பூக்களில் பதிவிடவும் எளிதான முறைகளை  சுட்டுக்கிறது..

இது பயர்பாக்ஸின் அப்பட்டமான காப்பிதான்.  ஆனாலும் நல்லா நச்சுன்னு நமீதா மாதிரி இருக்கு.. மேலும் பயர்பாக்ஸின் ஆட் ஆன்களை இணைத்தும் கொள்ளலாம். குறிப்பாக அதன்  ஓவர் சீன் காட்டாத சிலவசதிகள் மற்றும் பயர்பாக்கிஸினை தொடர்ச்சியாக பார்ப்பதால் வரும் சின்ன அலுப்பு ஆகியவற்றை சற்று விட்டொழிய வரலாம்  ப்லாக்கிற்கு..

  பொட்டியில் உக்காரவைக்க..

செப்ரெம்பர் 30, 2007 at 6:41 முப 1 மறுமொழி

அப்பாவைப்பற்றிய சில நினைவுகள்..

என் அப்பாவை பற்றிய சில நினைவுகள்..:
——————–
என் அப்பா ஒரு பக்கா விவசாயி..வேட்டி பட்டாப்பட்டி டவுசர் என்று பக்கா கிராம வாசனையொடு வாழ்ந்தவர். படித்தது என்னவோ மூன்றாம் வகுப்புதான் என்றாலும் சுத்தமாக படிப்பார்.. ஆனால் எழுத்து சரிவராது.. பெரியார் கொள்கையை முழுமையாக அனுசரித்தவர். கலைஞர் என்றால் மிகுந்த பற்றும் நேசமும் கொண்டவராக இருந்தார். கடவுள் எதிர்ப்பில் முழு நம்பிக்கை கொண்டவர். நான் இன்று ஒருமாதிரி தெளிவாக இருக்க அப்பாவின் உந்துதலே காரணம். அவரின் பல குணங்களில் என்னில் பிரதிபலிக்கின்றன.
——————–
நாங்கள் சிறுப்பிள்ளைகளாக இருந்த சமயத்தில் மிக மிக வறுமையாக வாழ்ந்த காலக்கட்டதிலும புத்தகம் படிப்பதில் எங்களை அதிகம் ஊக்கமூட்டுவார். இன்று கூட ஒரு புத்தகம் வாங்கினால் நானோ எங்கக்காவோ பக்கத்தில் என்ன நடக்கிறது என்பதைக்கூட மறந்துவிடுவோம். சின்ன வயதில் தொடங்கிய அந்த பழக்கம் இன்றுவரை தொடர்கிறது விந்தைதான்.. வயசு ஏறினாலும் புத்தி மாறலியே நைனா..:(

——————–
என் தந்தை நல்ல நகைச்சுவை உணர்வு மிக்கவர். சாதூர்தியமாக பேசும் குணம் கொண்டவர். எந்த சூழ்நிலையிலும் லாவகமாக பேசுவார். அவரின் பேச்சுக்கு பெருமைக்கு சொல்லவில்லை.நிஜமாகவே அவருக்கென்று ஒரு ரசிகர் வட்டம் இருந்தது.

——————–
நான் முன்பு ஒரு பதிவு போட்டேன் ‘ ஆண்கள் ஏன் தங்கள் பெண் குழந்தைகள் மேல் பற்றும் பாசமாக இருக்கிறார்கள் ‘ என்று.. எங்கப்பாவும் அதற்கு விதிவிலக்கல்ல.. அவரை வைத்துதான் அந்த திரியே… எனக்கு பைசாவே தரமாட்டார். அக்காவுக்கு மட்டும் ஸ்பெசலாக தந்து என் வயிற்றெரிச்சலை அப்பட்டமாக அள்ளிகொள்வார். laugh.gif
—————–
என் பொருளாதார வாழ்க்கை அம்மாவிடம் லவட்டுவதும் கொஞ்சம் திருடு என்றும் காலத்தை ஓட்டிக்கொண்டு இருந்தேன். ஒருநாள் ஒரு பாத்திரத்தில் அம்மா வைத்திருந்த பணத்தை நோண்டிக்கொண்டிருந்தேன்.. அப்போது சரியாக அப்பாவிடம் வகையாக மாட்டிக்கொண்டேன்.. என்னை ஏதும் திட்டவில்லை. கோபப்படவும் இல்லை.. அமைதியாக சென்றுவிட்டார். இன்னிக்கு நமக்கு ஆப்புதான் என்று மிரண்டு கொண்டு இருந்தேன். ஏனோ அம்மாவிடம் அப்பா சொல்லவில்லை.. என் திருட்டு பழக்கத்துக்கும் ஒரு முற்றுபுள்ளி வைத்துவிட்டேன் அதோடு.. ஒருவேளை என்னை மாட்டிவிட்டிருந்தால் நான் இன்று ஒரு மாபியா தலைவன் ஆகி இருந்தாலும் ஆச்சர்யப்படுவதிற்கில்லை.. உள்ளுக்குள் ஒரு சிங்கம் உறங்குது மக்கா sleep.gif
——————–
பணத்தைப்பற்றிய சிந்தனைகளை அப்பா அறவே தவிர்த்தவர். அதன் சமூக முக்கியத்துவம் தெரிந்தாலும் இதுவே போதும்டா என்ற ரீதியில் வாழ்க்கையை கொண்டாடியவர். நான் வெஜ் மன்னர். எனக்கும் அந்த நான்வெஜ் வெறி உண்டு.. ஒருவாரம் நான் அசைவம் சாப்பிடாமல் இருந்தால் பக்கத்தில் இருப்பவரை நறுக்கென்று கடித்தாலும் கடித்துவிடுவேன்.. tongue.gif
——————–
எங்கப்பா தண்ணி அடிப்பார். புல்லா அடிச்சா நாம் இடத்தை காலி செய்துவிடுவது உசிதம். ஒரு விசயம் சொல்லி நாம் ரசித்துவிட்டோம் என்று தெரிந்துவிட்டால் அதையே 20 முறை சொல்லி கழுத்தை ரெண்டாக்குவது குடிமன்னர்களின் வழக்கம். தலயும் விதிவிலக்கு அல்ல… அதேநேரம் ஓர் எல்லைக்குள் இருந்தால் செம கலாட்டா செய்வார். குறிப்பாக எங்கம்மாவை அதிகமாக கிண்டலடிப்பார். உண்மையில் எங்கம்மா நிறத்தில் எங்கப்பா விட குறைவு. இது போதாதா..? அவர்கள் ஒரு  ஜாலியான தம்பதிகள். biggrin.gif
——————–
எங்கப்பாவுக்கு நாய்கள் என்றால் மிக அலர்ஜி. எந்த நாயாக இருந்தாலும் எங்கே கண்டாலும் ஒரு கல்லை தூக்கி அதன் மேல் வீசாவிட்டால் தூக்கம் வராத வியாதி அது. சாலையில் போகும்போது கூட அந்த காரியத்தை வண்டிய நிறுத்தி செய்வது உண்டு. எனவே அவருக்கு எதிரி நாய்கள் பல உண்டு. சிலவேளைகளில் வகையாக மாட்டிக்கொள்வார். முக்கியமானவர்களும் ஊர்கதையில் இருக்கும் நேரம் அங்கே க்ராஸ் ஆகும் ஒருசில நாய் இவரை பார்த்து நின்று ‘உர்ர்ர்ர்…குர்ர்ர்ர்.ர்ர்..’ என்று சவுண்டு விட்டுவிட்டுதான் இடத்தை காலி செய்யும். laugh.gif கை கல்லை எடுக்க ஊறினாலும் ஒரு கவுரதைக்காக மாட்டிக்கொள்ளும் நிலை அப்போது..

——————–

அரசியல் என்ற பிசாசு எங்கள் குடும்பத்தை நல்ல ஒருவழிப்பண்ணியது. என் அப்பாவின் இறுதிகாலத்தில் அரசியலில் அவர் அதிகம் இழந்திருந்தார். தீரா கடனாளி ஆகி இருந்தார். அது அவரின் இருண்ட காலம். அந்த மாதிரி காலக்கட்டத்தில் அவரை ஒரு விபத்தில் இயற்கை அழைத்துகொண்டது எங்களுக்கு எல்லாம் பேரிழப்பு. வாழ்க்கையின் எந்த வொரு அசைவும் அதன்பின் எடுப்பது என்பது சிக்கலாகிவிட்டிருந்தது. அம்மாவின் கதறலும் குடும்பத்தினரின் ஓலமும் என் கண்களில் இன்றும் நிழலாடுகின்றது.
——————–
எனக்கும் என் அப்பாவுக்குமான காரணமே இல்லாத அற்ப இடைவெளிகள் இருந்தது. எனக்கு பக்குவமில்லாத பருவம் அது. ஒருவேளை இன்று இருந்திருந்தால் நானும் அவரும் நெருங்கிய தோழர்களாக இருந்திருப்போம் என்றே தோன்றுகிறது. ஒரு நல்ல நண்பனை தந்தையை இழந்துவிட்ட துக்கம் வாட்டும் பதிவு இது.

அவரைப்பற்றிய பல நல்ல குணங்கள், சுவாரஸ்யமான நிகழ்வுகள் உண்டு என்றாலும் ஒரு சிலதே என்னால் பதிக்க முடிந்தது.

என் தந்தைக்கு இந்த பதிவு சமர்பணம்.

செப்ரெம்பர் 18, 2007 at 7:31 முப 4 பின்னூட்டங்கள்

Older Posts


நவம்பர் 2020
தி செ பு விய வெ ஞா
 1
2345678
9101112131415
16171819202122
23242526272829
30  

அண்மைய பதிவுகள்